Watu Akik Kecubung Kasihan

Akik Kecubung Kasihan punika salah satunggaling akik ingkang wonten ing donya. Akik Kecubung Kasihan punika gadhah urutan kualitas nomer enem ing donya. Akik warna wungu ing donya internasional saged diarani séla Ametis (basa Inggris: Amethyst). Jeneng ametis saking tembung basa Yunani Amethtistos, kang gadhah teges "penjaga mabuk arak". Jeneng Ametis dipundhut saking carita kang dipunserat déning Aristotèles, dicaritaakén wonten widadari ayu kang digandrungi Déwa Bacchus, déwa kang njaga para pemabuk anggur. Amerga praupan kang ala, dèwi mau kipa-kipa lan nyingkrih banjur ditulung déning Dèwi Diana, ya iku dèwi pengayom kaum wanita lan kesucian. Déning Dèwi Diana, widadari mau dicipta dados reca watu kang éndah nalika arep dirangsang déning Déwa Bacchus. Amarga kagol déwa Bacchus nyembur reca mau, amarga sawijining déwa pemabuk, kang medhal saking semburan warna wungu kados anggur, saéngga reca kala wau dados warna wungu lan diparingi jenengi amethyst. Watu minaka wujudipun lonjong ing sangandhapé wonten garis-garisipun, ukuran panjangipun 20 mm ambanipun 10,2 mm. Watu punika ing jaman biyèn kathah digandrungi para kyai manca. Kathah nagara kang gadhah tambang kecubung kasihan punika, kaya ta India, Sri Lanka, Brasil, Amérika Lor, Birma, Australia, Vietnam, Filipina, Pegunungan Alpina ing Éropah lan uga tinemu ing Indonesia. Ing Indonesia kecubung kasihan kathah tinemu ing Kalimantan mligi ing Kalimantan Tengan. Kecubung kasihan gampang padhosané, nanging sok ngaten uga wonten kang palsu. Kecubung kasihan palsu asalé kathah kang saking Tiongkok. Séla wungu saking tiongkok punika aslinipun watu kalsédon sanès ametis. Uga wonten kang diarani ametis orièntal. Kang sajatiné watu punika purple saphire utawa safir wungu.